周吉佩、李佳、羅啟豪、龍婷、顏志恒、吳大強等《中年好聲音》歌手演出的節目《大笪地唱不停》，明晚（13日）播出一集的嘉賓有呂珊及蘇韻姿。 眾人到東區演出，身為東區地膽的顏志恒說︰「從來冇諗過離開東區，我細個住西灣河，之後就住柴灣，已經適應咗東區，我係東區人，流緊東區嘅血。」
龍婷對筲箕灣特別有感情，還走入街市買餸重溫舊夢。她說︰「好鍾意呢度嘅街市，我嘅廣東話可以話喺買餸時學。嗰時嚟咗香港冇耐，為咗融入香港社會，我喺買餸時會請教檔販，喺嗰個過程中學習廣東話，同埋建立信任。」
嘉賓呂珊獻唱《Only Yesterday》和《風的季節》，其間落台與觀眾互動。她自言在東區長大︰「我細個喺呢度讀書，日日放咗學就喺東大街篤魚蛋食燒賣。」呂珊的兒時舊照亦會在節目中曝光。
