J2節目《不正常愛情研究所》前晚（10日）一集「有故事的人」是22歲船家芊芊，芊芊做了船家5年，去年以積蓄及問家人借錢買下一艘船。她在節目中分享多個「船P秘聞」，其中一個是某女教授包船做「𡃁仔跟得阿媽」。芊芊說︰「佢揀咗一個20人Package，包晒滑水、滑梯、水泡同午餐，但佢哋咩都冇玩到，食飯仲叫埋我哋一齊食。之後個男仔去到邊，個女教授就跟到去邊，好似阿媽湊住個仔咁。」一眾主持聽完後，認為那個男仔應該是女教授的學生，黃紫恩（Jojo）笑言︰「跟得佢上船，實拎到straight-A﹗」
客席嘉賓麥惠琪（Susuca）問有否遇過瘋狂派對，芊芊透露曾接過一單天體船P︰「有男有女，有老有後生，有靚有唔靚，差唔多30人。佢哋一上船就話要去冇人、冇船嘅地方，仲收晒我哋船家嘅電話，連佢哋自己人電話都收埋。佢哋有一個神秘嘅篋，原來佢哋帶晒啲『玩具』上嚟玩。睇到晒佢哋做咩，仲話你鍾意可以Join，但我冇Join到。」
