ERROR﹑周家怡﹑郭思和譚旻萱等合演的電影《陰目偵信》，上周四（10日）已上映，近年不少電影都興起謝票活動，戲中主角﹑配角﹑導演等均走勻各大戲院跟觀眾近距離接觸，並答謝戲迷支持，而粉絲又有機會接觸偶像，從而刺激票房，一舉多得。
不過ERROR成員193（郭嘉駿）昨天（14日）在官方telegram群組宣布拒為電影出席謝票活動，193在TG帖文寫道：「各位，收到啲好騷擾嘅message，所以同大家解釋返。謝票並唔係義務，我亦都冇應承過任何嘢。身為一個配角已經做足晒戲劇上嘅本分，亦希望大家買飛入戲院係帶住一個想睇電影嘅心情入去。」193表示自己最近1個月身體狀况好差，恆常工作再加上快要出埠拍攝兼顧舞台劇排練，故他一有時間便趕工做新歌，否則今年內出不到第2首單曲。
他寫道：「如果唔係你哋包場，其實我真係唔太想特登抽時間去謝票，有空閒時間我會比較想休息﹑養聲同埋做歌，帶多啲新作品俾大家。既然原來抽時間去謝票係會收到騷擾message，今後我決定唔再謝票。不過請大家繼續大大力支持陰目偵訊（信）呢套電影，推介俾身邊嘅朋友，thank you﹗」
