快將在亞博舉行3場個唱的MIRROR成員呂爵安（Edan），正密鑼緊鼓綵排。Edan幾個月前曾表示盼在開騷前可推出5首歌，繼早前推出《E先生愛人執照》後，他昨晚（19日）在Ig表示開騷前會推出2首新歌，不過就未能達到之前所說的5首歌，他寫道：「對唔住，係我諗多咗！原來……計埋《E先生 愛人執照》，我淨係夠時間出多3首！吓...…3首？姐係嚟緊一個星期會出多兩首？冇錯！喺演唱會25號前，除咗前幾日劇透咗成個阿凡達咁樣嗰首之外，我仲會出多一首歌！」
Edan還透露新歌是一首普通話跳唱歌：「點解係普通話？其實冇特別，純粹個demo係普通話，今次想試下keep返佢原本嗰種感覺，實驗性質。」
由於時間緊迫，Edan表明歌沒有MV：「你估我一日真係有48小時咩？亦因時間所限，Cover Photo我搵咗AI大哥幫我搞搞，我直接將個歌名掉咗入去俾佢整，結果就出咗呢幾張圖，憑着呢幾張圖，大家估唔估到呢首歌係咩名？好大嘅提示：係四個字嘅！嚟緊大家會好忙啦，又多首歌要聽熟，想睇隻舞？記得睇演唱會啦。」
