陳豪﹑陳山聰﹑陳展鵬和蕭正楠，今晚（27日）以「三陳一蕭」姿態擔任港姐決賽司儀。4位人夫司儀受訪時，被問到有沒有開設牙骹戰貼心水佳麗？
陳山聰說：「我奉旨睇稿。（太太有沒有出席？）4個太太都冇嚟，喺屋企睇電視，睇唔到我哋現場睇女仔。」
蕭正楠則說：「最近喺屋企『碌』今屆港姐相，都驚老婆（黃翠如）以為我睇其他女仔，趁今晚澄清，我只係想留意多啲港姐資料，認住佢哋樣貌，等（司儀）流程工作順啲。」
陳展鵬和陳豪的老婆都是港姐出身，陳展鵬笑說：「當年都係嚟睇決賽睇靚女，但冇諗過可以揀到老婆（單文柔），覺得自己好幸運。」
陳豪則否認睇港姐決賽時，揀中老婆陳茵媺（Aimee），不過他也冧妻說：「我覺得自己好幸福，揀到冠軍老婆，佢一日比一日靚，我好自豪，所以我叫陳豪。（Aimee是你眼中港姐中的港姐？）差唔多啦﹗」
