林嘉欣和導演袁劍偉早前宣布離婚，結束11年婚姻，袁劍偉昨日（27日）自離婚後首度在Ig發文，原來他去了欣賞呂爵安（Edan）個唱，並貼出合照，相中袁導演攬實Edan，他留言：「做乜我咁大力，攬到佢人都斜埋。好開心亦都好榮幸，同佢一齊經歷，人生第一個個人演唱會。」Edan也留言感謝袁導。不過有網民卻留言問袁劍偉，為何只捧Edan場，而不去看姜濤及盧瀚霆演唱會，袁導演親自回覆網民留言：「因為屋企出現左（咗）問題。」
袁劍偉和林嘉欣於7月底爆出婚變，湊巧盧瀚霆和姜濤的個唱，分別在7月23至26日，以及8月2至5日舉行，估計袁導演當時要處理家事；同時亦有人認為留言者別有用心，猜測是假姜糖或假神徒，叫袁導演不用理會他們。
