剛承認與圈外男友拍拖的2017年港姐亞軍何依婷，及2010年港姐冠軍陳庭欣，昨晚（28日）到尖沙嘴出席活動，2人表示有收看今屆港姐決賽，何依婷喜歡亞軍王怡然，覺得樣子好甜，她說：「唔一定攞冠軍，亞軍都幾好吖！」
對於陳豪、陳山聰、陳展鵬及蕭正楠4位司儀的表現被批災難級別，她則力撐：「佢哋4個簡直係型，係公司4大型男，觀眾都鍾意真實，佢哋拍劇經驗咁豐富，突然間做主持已經好叻。」
陳庭欣表示沒有貼心水佳麗，因貼親都錯，她笑道：「我發現自己係『燈』，曾經試過叫隻鸚鵡抽紙仔去貼，點知比我仲燈，我覺得今屆賽果未至於令人嘩然，都好合理，冠軍莊子璇大家都成日提及佢。」
