容祖兒和蔡卓妍（阿Sa）日前才一齊經歷完黑雨，當晚祖兒揸車送阿Sa返家，兩姊妹患難見真情，近日就相約去按摩做Spa輕鬆一下，阿Sa在社交平台貼出和祖兒身穿浴袍照，素顏的祖兒還揸機自拍，阿Sa寫道：「趁我老友完成咗三十幾場show同佢去放鬆吓，去間新spa見識吓，好靚呀呢度，一路按摩一路雞啄唔斷，點解我哋真係有咁多嘢講，講極都講唔完。」祖兒也留言：「好似好耐無見咁，明明兩日前先共過患難。」
祖兒也寫道：「呢位老友（阿Sa）真係好識享受人生，跟住佢就總能感受到生活的多姿多采，噚日佢又帶我去咗做Spa re叻（Relax）一番，點知都係雞啄唔斷，塞咗個頭落張床個窿度都仲係不停講，用不同嘅話題洗滌心靈，在生活上工作上感情上，我們都是互相分享互相提點互相支持，學蔡老師（阿Sa）話齋，Work hard play harder，叉爆電後又可以搏殺，她今日大清早又去了杭州工作。」
