由蔡思貝主持的旅遊節目《貝遊歐洲》，今晚（11日）播出第七集，蔡思貝去到意大利米蘭，展開體驗新舊文化交替之旅，包括兩個特別體驗，分別是「行雷閃電Spa」及「心靈雞湯式能量測試」。
蔡思貝再以一件頭泳衣上陣，展示美腿及完美背肌，她今次相當幸運，在製作組安排下體驗了30多個不同主題的游泳池，包括戲院Spa、鹽房、冥想區及被公元500年城牆圍繞住的露天Spa。眾多體驗中，思貝最難忘的是戲院Spa，因為可以感受恍如置身行雷閃電中的Spa，有齊視覺、聽覺及體感等不同官能刺激，思貝更玩至開心大叫。另外思貝對於由真電車改造而成的桑拿房，亦歎為觀止，並對是次體驗讚不絕口：「由內到外都可以放鬆同開心咯。」
在接受「能量測試」期間，思貝聽著店主分析她的能量及自身問題時，眼淚竟不期然一再落下，事後思貝大感神奇，並謂想不到能在這個地方，找到了解及明白自己的人：「佢講啲嘢都好中，我就自然流起眼淚。佢話我身體好多能量都被block住咗，因為我唔係做緊我自己，佢話我要學識去放開控制得自己太緊要嗰一面，唔好將自己逼得太緊。」
思貝有感身為藝人很難百分百活出真我：「我哋做呢行要思前想後，唔可以100％做自己。我希望可以攞多個平衡，做到一個好嘅蔡思貝之餘，仲做到一個好嘅演員及藝人。」
