關智斌（Kenny）的YouTube節目《斌菲特訓班》邀七仙羽（七師傅）任嘉賓。Kenny問七師傅對樓市睇法？她說平日在家經常坐客廳望窗等鷹的出現，觀察牠們的生活習慣。Kenny追問為何要了解鷹的生活習慣？七師傅解釋：「佢好清晰要食魚，飛落海叼咗條魚就飛走啦！」Kenny恍然大悟：「我明啦！代表我要留意新聞，知道樓市習慣、人的買樓心理，當有機會時，我就好似隻鷹咁將條魚食咗。」七師傅對Kenny明白她的說話感安慰，又補充說：「守株等死雞，萬一有人移民好急要賣樓，隻『死雞』就出嚟，我哋要有耐性等。」
Kenny又問七師傅他的運程，她笑言要點條黑路給他行：「因為你個樣靚，你有五百世嘅修行，個福報已經好大。你一條路要行到黑為止，黑完之後就係光明，黎明前就係最黑暗。我指條光明大路畀你，你除晒，喺出面行一條路，呢條路你愈行就愈富！」Kenny聽到七師傅要他「除晒」大驚，原來只是除鞋在屋外的花園草地行，吸收靈氣。Kenny邊行邊說似踩石春路，七師傅事後告訴他，平日自己會著鞋行到草地中間才赤腳吸靈氣，笑指這是經驗，不要隨傳相信別人。Kenny多謝師傅設計「陷害」，給他教育。
