MIRROR副隊長江𤒹生（AK）、白靈、譚玉瑛、太保、沈殷怡和黃梓樂等合演的電影《七月返歸》正在上映，AK連日來也參與謝票活動谷票房及答謝戲迷支持。
AK粉絲「生粉」昨天（17日）包場看新戲，而AK亦包到冚現身謝票，生粉表示：「謝謝行程非常緊湊嘅老闆，特登抽時間過嚟同大家見面，相信係愛啊，辛苦晒老闆，希望大家鍾意今次老闆同KFC俾大家嘅驚喜，生粉會聽老闆話～會繼續多多入戲院支持老闆，支持七月返歸，票房就交俾生粉一齊努力啦。」
另外，AK﹑黃梓樂及導演謝家祺接受谷德昭主持的《爆谷一周》訪問，谷德昭大讚AK和黃梓樂口齒伶俐又靚仔，可以開清談節目；另外，谷德昭期待AK有機會演出喜劇甚至導演喜劇，他寫道：「《繩角》嗰陣已經覺得佢係可以演喜劇，睇咗咁多年港產笑片，係時候回饋吓港產笑片觀眾，大家都餓咗笑片好耐，包括我！」
AK也在Ig限時動態感謝谷德昭：「好開心可以同你傾偈，俾（畀）你知道我幾鍾意『龍咁威』，希望將來有機會拍喜劇，也希望是谷導的作品，謝謝你的說話，我會好好記住。」
