有指「亞洲心動娛樂一姐」薛影儀（阿儀）因被「損友」帶壞失控，不時在對方安排下在商業活動上做「義工」及做免費銷售工作。由於阿儀屢勸不聽，令公司決定放棄她另捧新人，經理人林寶玉日前曾表示︰「如藝人沒工作都應該要休息，沒有雪不雪藏。沒工作就在家休息，阿儀就休息一下，沒有說懲罰。」
阿儀在社交平台貼出當天林寶玉受訪截圖，並寫道：「其實我同朋友參加活動，而唔通知公司，我怕公司唔比我參加，我都唔明公司點解唔鍾意我同黃榕一齊？佢覺得黃榕有咩唔好呢？其實黃榕係心地善良既（嘅）人！
我之前都已經解釋左（咗）我係冇誤交損友，佢哋係我好朋友嚟呀！佢哋冇帶壞我呀！我之前有活動約d（啲）朋友出去玩，認識到好多新朋友，寶玉之前嬲我，可能我講過d（啲）野（嘢），佢又唔鍾意。」
黃榕亦有留言安慰阿儀：「阿儀也是心地善良的人，希望你未來工作順利，大家努力工作﹑努力生活﹑我發誓從來都沒有安排商業活動和產品銷售工作賺取她金錢，以後放假才玩，希望你繼續在工作上發光發亮。」
相關新聞：傳薛影儀唔聽話遭雪藏 經理人林寶玉︰藝人沒工作就休息
