《2023 EYT好友會聯歡晚宴》昨晚（18日）在尖沙嘴舉行，夏雨、盧海鵬（鵬哥）、陳百祥（阿叻）與黃杏秀、余慕蓮、胡楓、羅蘭、劉丹、寇鴻萍、阮兆輝、林嘉華、葉尚華、劉曉彤、吳雨等出席，場面熱鬧。
鵬哥開心見到一眾熟悉面孔，問到最想見誰？他搞笑說：「想見嘅，有啲都死咗，冇得見先想見，其實個個都想見。」他難忘昔日在EYT爆肚演出，除了引人發笑，自己也會邊講邊笑：「我都經常整蠱人，連蔡和平都被我整蠱過，返EYT好開心，亦遇到好多好對手。」
精神不錯的盧海鵬中氣十足，他透露近幾年跟周潤發（發哥）跑山，身體變得健康，現在持續運動的他說：「發哥最近沒來接我，我跑得慢，他們跑好快，不過我有自己去跑，日日6點起身，練得有氣有聲。」
出身於EYT的阿叻想到有些舊拍檔已過世，他對生死看得開，更說：「時間到就要走，我都想老，但前年在1000尺雪山碌落嚟，牙都冇甩一隻，𠵱家未甩頭髮、老花、出斑。」問到有沒有關心做完手術的老友曾志偉？他說：「我有傳信息問佢『死得未？』，佢冇回應我，所以傳佢辭職TVB，我都冇辦法求證。」
