主題公園水上樂園的全新音樂會場地「AQUALAND」日前正式開幕，KOLOR聯同新晉樂隊Revery打頭陣演出。KOLOR 主音Sammy （蘇浩才） 表示支持業界設置新表演場地，令樂隊有更多演出機會：「因為呢啲戶外中小型場地真係唔多，而且Revery睇住佢哋大，所以一定要支持！睇住佢哋愈嚟愈大隻，佢哋係好健康嘅樂隊，成日做運動，好難得。」
KOLOR出場時全場哄動，樂迷不時拍手和唱，Sammy除衫騷肌令現場氣氛升溫。他們獻唱新歌《無極》時，Sammy自爆會將這晚新歌拍攝成MV，感謝Fans做「臨記」：「呢個新場係第一次演出，我哋都獻唱新歌，大家要跳得勁啲，10月會推出各大平台，令MV流傳萬世！」
Revery感謝KOLOR支持：「我哋細細個夾Band時係唱cover 歌，都係KOLOR啲歌，識咗佢哋之後，學識埋飲酒，聽住佢哋啲歌一齊成長。做好啲音樂已經係最好嘅報答，操大隻啲去繼承佢地啲肌肉！嚟緊我哋首新歌邀請KOLOR一齊玩，多謝佢哋！」
