黃宗澤（Bosco）日前在廣州出席家居品牌活動，分享理想家居要求，覺得3房單位最理想，因可與狗狗同住有足夠空間，也方便媽媽隨時可以留宿。愛煮食的Bosco還即場冲奶茶，製作月餅與Fans提前過中秋。活動期間，商場塞滿3000人圍觀，非常熱鬧，但離開時就因Fans過於熱情，場面混亂。
對於理想家居，Bosco要求簡單，屋企裝修偏向時代簡約風，客廳需要有足夠空間給愛犬活動，一張舒適梳化方便煲劇；廚房方面，愛廚食的Bosco喜歡三五知己邊飲紅酒邊歎美食，說：「𠵱家好少出去夜生活，唔使開工，最鍾意叫朋友返屋企，自己煮，睇住朋友開心食，大家飲紅酒傾偈。」
過去幾年，不是因為疫情就因為拍劇、拍戲，參與綜藝拍攝，Bosco已有幾年沒到廣州出席活動，今次近距離出席商場活動，不少Fans一早到場守侯，到Bosco離開時更夾道歡送，有熱情Fans亦一度湧前想握手送禮物，就算現場有保安，場面一樣混亂。
事後還有Fans投訴Bosco態度不友善，Bosco說：「可能太耐冇到廣州，見到大家好熱情，好開心好多謝大家。離開時，係有啲混亂，見到有啲推撞，所以為免意外，未有停步同大家握手收禮物，好抱歉！」
Bosco在疫情結束前，將尖沙嘴西餐廳重新裝修，感恩餐廳生意明顯好轉，雖然還沒回復疫前生意額，但一班舊顧客及Fans都好撐場：「自己都感受到大環境經濟差咗，所以會搞啲活動、新菜式幫餐廳宣傳下，希望畀舊客新鮮感，又有新客留意到，最近仲有唔少客戶包場做活動，好開心。」
