炎明熹（Gigi）首次個人演唱會進入倒數階段，一班粉絲為偶像開騷造勢，設計了一系列演唱會紀念品，當中包括演唱會Tee、火炬造型官方手燈、手幅套加文件夾套裝、毛巾、星球鎖匙扣、月曆，就連演唱會的主題Logo，同樣由歌迷會負責設計。Gigi看見歌迷為她準備的演唱會紀念品時十分興奮，對會因應現場播放歌曲而自動轉換不同顏色的火炬造型官方手燈特別好奇。她說︰「歌迷會幫我安排咗呢一系列嘅演唱會紀念品，樣樣都好靚，其實自己讀設計，都想學以致用，下次再有機會開演唱會嘅時候，希望可以親自參與，為自己嘅演唱會設計紀念品。」
