林雪今日與張繼聰出席食肆宣傳活動時，表示很多朋友都擔心其健康，勸體重達240磅的他減肥。林雪表示︰「老闆杜琪峯驚我猝死，話死唔去仲大鑊﹗我銘記於心。大家放心，我已經開始減肥，已減咗20磅，目標減100磅。我依家先行街、跑步出汗去水，等精神狀態好啲就加強運動量。」他透露仔女已完成學業投身社會，但一日未成家也是自己的負擔。他笑言︰「我要做好心理準備隨時榮升老爺同外父﹗」
張繼聰指林雪像金庸筆下的「老頑童」周伯通，兩人合作拍廣告時很開心。他說︰「林雪好搞笑﹗我同佢一齊拍戲時要向佢偷師，佢好似唔認真，但演得好正﹗」張繼聰自言很愛吃，但「識食唔識煮」。他笑言︰「我唔想殘害屋企人﹗我一屋女人，廚房係男人禁地﹗太太（謝安琪）好聰明，可以煮出喺街食過嘅美食，之前疫情時又鍾意整麵包，所以我要邊食邊跑步減肥。」張繼聰取笑兒子張瞻的廚藝未達能追到女仔的級數，但懂得煮即食麵。談到正在上映的電影《紮職2》，他說︰「依家啲票房好飄忽，我會繼續謝票。我最近寫緊劇本，明年會做導演，同時會舉行演唱會。」
