李璨琛和太太梁志瑩（Sophia）的5歲大女元元（Lucy），日前在家中發生意外，在家跑時不慎額頭撞向實木櫃邊，額頭即時腫起兼出現了一條長血痕，木櫃邊亦竟然被Lucy撞凹了。Sophia在Ig分享女兒意外後的照片，留言︰「小犬8號風球當日，李元元喺屋企上演一幕衝力射頭，成個人飛彈埋個名貴實木餐邊櫃，頭殼經過測試夠堅硬竟然畀佢撞凹咗個櫃。我老公同我講佢撞凹咗個櫃，我當佢講笑，然後佢好認真咁同我講佢認真。I was like😂，未睇個女傷勢實在係忍唔住笑到震住出廳看過究竟，feel到我老公好似係有一刻嬲我仲喺度笑。我知道我唔應該笑，但心裏不停諗我個女個頭真係有咁硬竟然可以撞凹個櫃？個鐵頭冇爆其實真係好好彩﹗李元元，出年東華表演一定要預埋你，衝力射頭，貼塊膠布佢即刻覺得自己係冇事嘅。」
