劉俊謙完成在台灣拍攝和宣傳工作後，返港出席舞台劇《罪與罰》記者招待會，阿謙表示：「我都有好幾年冇參與舞台劇演出，疫情過後大家已經重拾心情，再度回到劇場，今次演出我都好希望會多啲人買飛睇，劇本原著係俄國大文豪杜斯妥也夫斯基作品，佢嘅作品裏面探討好多關於道德價值嘅嘢，存在同人生意義，呢啲嘢我覺得係好接近現今世代大家會思考的一些問題！」
問到劉俊謙怎樣準備角色？他說：「我心情期待緊張，因為未見到導演，唔知道佢會將日本版點樣去改編，並且將呢個故事發生喺香港，相信會好特別，期待同導演見面。現在自己開始做資料蒐集，嚟緊日子開始綵排，希望明年初會帶畀大家好睇劇目。」
《罪與罰》故事峰迴路轉，劉俊謙飾演殺人後而受良知責備的輟學學生，顏卓靈演繹出於污泥卻保持純真的妓女，袁富華飾演對劉俊謙窮追猛打的檢察官，2人鬥智鬥力，互飆演技。
