吳浩康（Deep）早前邀請歌手鍾達茵擔任其網上直播音樂會嘉賓，鍾達茵因對阿Deep說了句「我會掛住你﹗我會擔心你」，惹來阿Deep太太郭思琳不滿，在社交網發文「作為一個人妻，有人同我老公講埋啲咁嘅嘢，仲要開完Live凌晨孤男寡女去間無人嘅餐廳敘舊，不如大家估吓我會有啲咩感受吖？借問聲我老公喺自己公司去廁所有咩需要擔心」，「公審」鍾達茵。
事隔數天，鍾達茵昨天（14日）在Ig限時動態連環出Post反擊。她先找來好友雷有輝（Patrick）一同拍片，她在片中對雷有輝說︰「Pat哥，我好掛住你喎﹗」雷有輝答︰「不過我依家要湊女先。」鍾達茵再說︰「吓，你咁樣走咗，我會好擔心你㗎喎﹗」雷有輝回應一句「唔使擔心」後即轉身離開。鍾達茵在影片上寫着︰「我咁樣同Pat哥講『掛住佢』同『擔心佢』，唔知Pat哥老婆會唔會公審我呢？」
鍾達茵又轉發了3位友人標籤了她及寫上「掛住你」的帖子，回覆「點解要公然咁同人哋女朋友講埋啲咁嘅嘢」，表明自己已心有所屬。
