陳慧嫻日前偕泳兒（Vincy）、許靖韻 （Angela）到美國加州舉行兩場演唱會，首演當日是Vincy的正日生日，慧嫻除送上大利市，更安排連串驚喜，令Vincy十分難忘。
Vincy回憶︰「綵排時，主辦煞有介事叮囑我同慧嫻姐姐合唱完唔需要talk環節。真正on show時，我合唱後想邀請慧嫻姐姐去後台休息，點知佢好似唔想離開，原來係全場大合唱生日歌，突然收到幾千人祝福。」
慧嫻表示：「我向band leader同監製提議喺台上畀驚喜佢，當佢以為同我合唱完後我就將舞台交畀佢時，我喺台上宣布今日係Vincy生日，帶領觀眾一齊同佢唱生日歌，見到佢驚喜個樣我都好滿足。」
完騷後，慧嫻封了利市給Vincy︰「祝佢以後一切順利，有個開心難忘嘅生日。再一次見到佢驚喜個樣，諗番都覺得好笑。」
