伍仲衡昨晚現身旺角，為《作品鋼琴集Vol.1》舉行簽名會，伍仲衡甫抵唱片店，見到數百粉絲排長龍等候簽名，看見CD舖重現擠滿人群熱鬧，他大為感動：「見到咁多Fans好開心，好多謝大家！知道好多人已經好耐冇去CD舖，愈來愈少人逛CD舖，希望透過簽名會活動，推動大家逛CD店興趣。」他呼籲大家多逛CD舖買唱片，支持正版！
伍仲衡《作品鋼琴集Vol.1》第一批1000張CD，推出兩星期，即賣斷市，要馬上加印第2批1000張，剛好趕及簽名會前加推，問到未婚妻有沒有幫手掃碟？他笑言：「唔知佢靜雞雞買咗幾多本，希望佢唔使幫手買碟啦！」
