已為人母的孫慧雪今天（31日）宣布離開效力18年的無綫，她在社交平台貼出多張合照並撰長文分享離巢感受。孫慧雪表示畢業後第一份工，便是去無綫做演員，一做便是18年，她寫道：「喺度我學咗好多嘢，遇到好多人生導師，認識到好多知己好友，亦令到觀眾認識我，所以我非常感恩。」
不過她坦言人生似一班列車，走向不同旅程，就算幾不捨得，也是時候說再見：「多謝每一位台前幕後嘅朋友，對我嘅照顧，好多一齊奮鬥、捱更抵夜、出生入死嘅片段猶如昨天，一切瀝瀝（歷歷）在目！
感激每一位用過我、信任過我、幫助過我嘅監製、編審、導演、副導演！仲有化妝師、髮型師同服裝師，一切在心中，江湖見。
由擔演死屍、替身、路人丙、禮物小姐一步一步到主持、有連戲角色，慶幸有大家望住我一路成長，接下來，希望大家仍然繼續支持我呢位小小薯，繼續追夢，仍然樂意陪伴我迎接未來不同挑戰，見證我一路成長，感恩沿途有您。」
