男團MIRROR成軍5周年，昨晚（3日）舉行《全民網上生日會》，全員齊齊在公司內進行直播，除了切生日蛋糕，亦玩遊戲、分享心聲。活動期間，呂爵安（Edan）密密吃茶几上的零食，正在喼弗的姜濤就十分忍口，但就趁機兩度想咀邱士縉（Stanley）。12子先分享日前（1日）在主題樂園玩機動遊機的體驗，陳卓賢（Ian）笑言當日坐泰山船時看到的動物比在澳洲拍團綜時還要多，一同坐船的Stanley笑言︰「我都係玩船，我發覺其實有啲咩動物都唔係重點，重點係啲粉絲都係睇住姜濤喺度暈船浪。」姜濤一臉靦腆地答「係呀」，隨即扮暈船浪，然後說︰「真係暈㗎，所以大家要玩，但係又好容易暈船浪嘅話要帶定啲暈浪丸。」盧瀚霆（Anson Lo）回想當日玩咖啡杯前曾怕自己會驚，令眾人驚訝大叫，他隨後解釋是擔心咖啡杯會轉得太快。姜濤問Anson Lo︰「我想睇你玩灰熊山谷嘅時候，啲瀏海會唔會郁？」呂爵安（Edan）搶答︰「一定唔會﹗」Anson Lo亦說不會。李駿傑（Jeremy）笑言︰「佢玩咖啡杯時都冇郁過㗎﹗」
