張致恒（Steven）和太太區燕雯（雯雯）雖然4年抱4，但夫妻關係時好時壞，雯雯更不時嗌離婚被網民取笑是「離婚界KOL」。自從孻仔天樂8月尾出世後，Steven與雯雯關係似有好轉，兩人一齊開設新收費Ig及YouTube頻道幫補收入，Steven近日更被發現到性用品商店做全職售貨員。不過，雯雯昨晚在其個人收費Ig限時動態發文又嗌離婚，更揚言要將4個小朋友交給社工及相關人士決定去向，令不少網民嘩然。她說︰「我已經可以完完全全冇顧慮咁講，我決定離婚，下一次就係可以post簽紙一刻。至於小朋友，就交畀社工同有關人士決定去向。」
