明天（11日）是一年一度的「雙11全球狂歡季」，TVB聯乘淘寶直播間「TVB識貨」亦加入戰團，由10月19日開始，舉行多場直播騷。
日前舉行的「《公主嫁到》專場」，以2010年播出的劇集《公主嫁到》作主題，邀得在《公》中演川平公主的陳自瑤（Yoyo）擔任嘉賓主持。Yoyo以劇中川平公主造型登場，她穿上13年前的古裝戲服，身形依然弗爆，直播期間還大啖試食，盡顯真性情。
Yoyo接受無綫娛樂新聞台主播許文軒訪問時，笑言穿上當年戲服後「回憶返晒嚟」，她說：「今次好開心有呢個主題，完全係我個角色四公主嗰套衫，可以做多次個角色！」她又透露曾是「古裝常客」：「現場環境好配合，有宮女又有掌櫃，背景又鑼又鼓，好搞笑。近年公司少咗開古裝劇，以前我係古裝常客，今次可以止古裝癮！」
談到再穿同一戲服時，看來比當年鬆身，Yoyo笑言：「近日太忙輕咗幾磅，同埋件衫可能又扣鬆咗。」
她憶述當年拍古裝，服裝姐姐會出盡力為女演員們包得更緊，讓造型看上去更漂亮：「當年我其實都唔鍾意太緊，鍾意鬆身啲，嗰時拍古裝劇都食唔落嘢，天氣又熱頭飾又重，今次我淨係要求頭飾唔好咁重。」
