陳卓賢（Ian）早前推出今年第5首派台歌《夜視鏡》，為配合歌曲在形象上大革新。《夜視鏡》的創作靈感來自夜行性動物，Ian說︰「夜間動物的習性就係大家瞓晒覺、休息緊嘅時候佢哋反而Stay Alert，視野清晰、廣闊，目標明確去搵獵物。我好喜歡呢種特質，因為保持警醒係冇分晝夜、或者係咪有人睇住你，而係任何時候都有自覺性及警覺性。」
Ian覺得夜間動物的特性很合適套用在人性上，於是與填詞人T-Rexx溝通，想出了夜觀世界的主題，歌曲慢慢發展到講述一個人在晝夜、人前人後的分別。《夜視鏡》是一首快歌，Ian表示︰「出道不經不覺已經5年，想透過今次曲風展示自己創作上嘅多樣性，希望能夠將新元素帶到廣東歌，可能亦有人認為將廣東話帶入某啲曲風未係最完美，但我希望畀大家知道其實係可以。」
為配合歌曲概念，Ian在形象上也作出了配合，變得帶點野性。他拍攝單曲封面時更按照攝影師要求，擺出帶點壞男孩味道的甫士。Ian笑言：「因為首歌講夜晚，好多人同動物野性都走咗出嚟，平時乖乖哋嘅我又可以有唔同啲，可以畀到新鮮感大家，不過最主要係好迎合到首歌個畫面。」
