邵音音及羅蘭分別主演的微電影《老奶奶與無名子》及《親宴》，於多個國際影展屢獲殊榮，今天（17日）於觀塘舉行祝捷會，並補祝羅蘭姐89歲生日，好友黃夏蕙、楊盼盼、莊韻澄特地祝賀，邵音音憑《老奶奶與無名子》奪得14個影后獎項，她坦言每次得獎都不敢相信，雖然羅省獨立電影獎項被愛貓整爛，不過沒有怪罪貓貓。
她透露最近接拍的電影，飾演滿口粗言穢語的士司機，問是否對她沒難度？她笑道：「好嬲嘅時候講粗口表達係最直接，我唔似羅蘭姐容忍度咁大。」
陳靜（DaDa）原被邀請到場，但卻未見影蹤，邵音音指DaDa怕人多地方才沒到場。對於DaDa被傳介入蔡卓妍（阿Sa）與前度石恆聰感情，邵音音說：「我唔知㗎！同DaDa去馬來西亞拍戲，佢食得好開心，次次食榴槤都唔飲酒，至於話介入乜嘢就唔知，不過愛情梗係要介入㗎啦！」
問知否DaDa於社交平台上載婚紗相是否想結婚？邵音音說：「DaDa喺巴黎冇返嚟，佢成日都想結婚，結婚嚟做咩？結婚好笨，佢係我麻將腳，有講過都唔話你知，佢叫我唔好講，我冇出賣DaDa㗎！」
