Twins將於明年1月在紅館舉行8場《TWINS SPIRIT演唱會》，昨日（22日）除了是阿Sa（蔡卓妍）的41歲生日外，亦是門票公開發售的日子，反應熱烈，開賣半小時隨即售罄，阿Sa無預警開Ig live，並暗示可能加場。此外，Twins新歌《雙喜樓》亦於昨日上架。
成軍22年的Twins，為迎接這個大派對，2人藉全新演唱會主題曲《雙喜樓》，廣邀好友狂歡。歌曲由馮翰銘監製、Karen Yee作曲及沐木臣填詞。以簡潔旋律鋪排強勁節奏，營造狂歡效果，「靚」、「正」、「Dance」歌詞互相交替，十分洗腦。
Twins收到這首歌的Demo時已立即愛上：「曲式好有演唱會氣氛，一聽就想跳舞。我哋都好鍾意份詞，聽填詞人講，佢喺10幾年前已經好想以『雙喜樓』做歌名寫份詞畀我哋，講出嗰份成雙成對感覺，而正正就喺Twins嘅22周年呢個日子，我哋就收到呢份最好嘅禮物。」
