莫可欣及戚黛黛今天（26日）獲邀到灣仔出席交通安全嘉年華活動，莫可欣對於陳淑蘭重提當年曾掌摑她不只一巴的事，莫可欣沒有感不開心，她說：「其實咁多年前嘅事，提嚟做乜吖？有啲事點講都得啦，都冇所謂。」
問聽到可有不舒服？她說：「冇！咁多年前，起身邊隻腳落地我都唔記得，我已唔記得喇，記嚟做咩呢？都無關痛癢，只係大家覺得食花生啫，冇所謂啦，呢個世界大把大事發生，梗係冇唔開心啦，咁多年我都唔係有好多負面新聞嘅人，有啲事一笑置之，唔好太著緊。」
她稱老公沒提過這件事，但相信老公會知，而自己做了多年人，不會怕閒言閒語，亦想藉此教小朋友，不要為這種事不開心，指現在網上有好多欺凌，很多人有不同意見，有時當「發噏風」就得。
戚黛黛參加《中年好聲音2》雖被淘汰，但並沒不開心，雖然未能繼續玩有點失望，但40幾歲能認識到很多家庭主婦新朋友，也覺得有得着。
