《薯茄明星運動會》開幕暨閉幕典禮昨晚（27日）於商場舉行，主辦單位《小薯茄》聯同其他有份參與的本地網絡平台YouTuber聚首，與粉絲率先睇首播。
《小薯茄》成員程人富、阿冰及童童在運動會上分別擔任隊長，3人直言拍攝過程辛苦，因天氣炎熱，很多人陷中暑邊緣，兼且曬到燶，程人富賽前私約田徑教練特訓，他說：「特訓都衰咗，覺得好對唔住個教練，有眼濕濕，只係冇剪出嚟。」童童自認廢得把聲，阿冰在接力賽時不小心仆低，她說：「塊面有落地，好彩唔係擦傷，冇傷痕，冇破相。」
對於招募義工幫助拍攝，遭網民怒斥而惹是非，程人富澄清：「最後都冇，原本驚唔夠人，先找觀眾一齊玩，因為之前好多觀眾想參與拍攝，但搞得唔夠大型冇位置！」
《FHproduction》嘉盈及《試當真》許賢於運動會中同隊，許賢大讚嘉盈穩定軍心，對隊友關懷，嘉盈說：「因為佢之前踢波暈過，好擔心佢。」嘉盈表示小學曾贏60米賽跑比賽金牌，但長大後跑步技能日久失修，今次不包尾已開心。
