MC張天賦昨晚（27日）於尖沙咀文化中心露天廣場，舉行《This is MC - Live at Victoria Harbour》免費音樂會。
MC在1小時獻唱多首歌曲，他在台上坦言狀態一般，喉嚨有點腫又忘記歌詞，他受訪表示感冒未清，已服用醫生處方抗生素，但仍有症狀，幸不是很嚴重，但忍不住唱歌前說話，問重回街頭Busking感受如何？他說：「好爽，畢竟當初只係個死𡃁仔，想開心唱歌，想Busking係因為有少少情緒病，估唔到可以慢慢進步到呢個階段。」對於登頂Busking位置，他說：「以前我多數喺碼頭嗰邊，未去到呢個位，可以講係第一次嚟到呢個位。」
MC表示生日會於工作中度過，收工會和媽媽食飯及和朋友飲酒慶祝，他稱因忙於參演甄子丹監製的電影《誤判》，當中有打鬥場面，亦是他首次拍動作戲，他說：「戲中我覺得自己好有型，演好有幹勁角色，拍完動作戲散晒，足足瞓咗2日，不過非常好玩。」
問可有受傷？他表示2星期前有場踢人戲，拍攝前沒有熱身，拍完就拉傷近臀部大髀筋，行路都覺得痛。至於可獲「宇宙最強」甄子丹過兩招？他說：「又無嘅，佢好惜我，保護我安全，揀我可能因為大家都玩音樂，可能想較量。」
