張致恒（Steven）和太太區燕雯（雯雯）結婚4年育有4子。孻仔張天樂今年9月出世，眨眼已出世100天，昨晚Steven在社交平台貼出和3個兒子合照，並抱住天樂，Steven舉起V字手勢及展露笑容，他留言：「張天樂終於100日啦，希望佢少病少痛快高長大！」
有網民留言表示曾在健康院遇到Steven和老婆雯雯及4個兒子，該網民寫道：「天樂去健康院檢查個時見到你哋6口，好震撼，點解雯雯孭到天朗咁要小心，應該你同雯雯調轉孭會好啲。」Steven則回應稱：「因為佢最錫係天朗，佢死都唔俾我咩（孭）我都冇計。」網民又指見到天朗相當「贅手」，Steven則爆兒子「超肥仔」。
不過亦有網民留言窒Steven：「有錢買蛋糕，無錢買鞋整牙，犀飛利。」﹑「呢個有冇收廣告費？」
