鄭中基明年2月在紅館合共舉行4場演唱會，日期為2月13至14日﹑2月16至17日，明天（12日）信用卡優先訂購，本月21日正式公開發售。
作為演唱會主辦、監製、宣傳、投資者、表演者於一身的鄭中基（Ronald），今日（11日）現身啟德出席發布會。機動兵工廠6個仔女，阿杰和Edwin擔當主持，超酸、米奇、何求同Wade，變身暴龍跳舞，祝賀鄭中基演唱會大賣！
鄭中基近兩次紅館演唱會，都在農曆新年舉行，Ronald表示很多人問是否刻意安排，他說：「真係好多人都咁講，但唔係啦，只係咁啱紅館批出呢個期，我哋嗰陣時，個個月都入紙申請，入咗9個月，咁啱就批呢個期！新年開騷當然開心，大家唔好再叫我唱《青春痘》就好。」新年當然要討利市，Ronald笑言：「每次新年開騷除咗討利市，自己都要派利市，開演唱會的話，利市預咗派6位數字，最緊要開心！」
今年除了農曆新年，還是情人節開騷，在這些歡喜又甜蜜特別日子，歌單設計上會否有特別安排？Ronald直言：「有睇澳門場嘅觀眾都知，歌單會有4部分，今次返到香港紅館就加到5部分，至於情人節都會有特別安排，𠵱家唔透露住，到時大家就知！」
