呂爵安（Edan）日前（11日）在社交平台自爆發燒身體不適，額上貼了退熱貼的他留在家中休息，收看有份主演的ViuTV劇集《社內相親》，更講爛Gag「知唔知點解Edan發燒好大鑊？因為...E發不可收拾」，自言仍然創意十足沒有「燒壞腦」。時隔數天，Edan雖然已退燒，但仍然非常不適兼喉嚨痛，昨天（13日）看醫生進行快測後才知道患上甲型流感。他說︰「噚日見退咗燒就諗住應該好快好番，點知今朝又好唔舒服，喉嚨又好痛，就即刻決定要去睇醫生。一睇先發現原來係甲型流感，大家一唔舒服就即刻去睇醫生啦，唔好學我。Btw，白癡仔以為c係covid ，以為打孖上咁癲，原來係control。」
