張致恒（Steven）和太太區燕雯（雯雯）育有4子，孻仔張天樂今年9月出世，早前已100天大。雯雯稱因要照顧4個兒子，只可留在家中，不能外出工作，掙錢養家的責任就落在Steven一個人身上。Steven上月放下藝人身段到情趣商店當售貨員，經常在社交平台發帖或開直播宣傳公司的商品。不過，兩人的婚姻關係及經濟問題未解決，雯雯繼續不時鬧老公及嗌離婚，更曾聲稱要將4個兒子交給社工和有關人士決定去向，Steven本月初亦曾因穿的鞋子已爛而在社交網發文求贊助。
Steven今日凌晨在Ig限時動態上載黑底白字圖片，他在文中求救︰「我真係好攰，一直以為自己會撐得住，四個小朋友病咗個幾月，最後連自己都病埋，搭地鐵嘅時候成日企喺度瞓着咗，搞到個電話跌落地，依家成個電話都碎晒，再加上屋企嘅經濟壓力令到我就嚟頂唔住，已經因為交唔到租搬過好多次，我真係好努力去面對，我唔想再搬屋...... 我真係好辛苦...... 如果有冇人可以幫到我......」
