龔嘉欣與吳若希提名視后十強，嘉欣回想臨危受命主演《靈戲逼人》，沒有時間做足準備，要在人鬼話題劇做到突破經典，壓力好大，非常感恩劇集受到觀眾歡迎，故會對自己保持一定信心，但面對阿佘與施嬅兩位強勁，已經不敢想太多：「我每年出席頒獎禮都平常心，入行15年仍然覺得自己很喜歡拍劇，有好多演員未合作過，都想跟阿佘與施嬅合作。」
吳若希直言能跟佘詩曼（阿佘）、李施嬅躋身候選視后之例，已感滿足：「對手太強，佢哋一個攞視后，一個攞大灣區最喜愛TVB女主角，唔係諗住爭嘛？不過我一定會扮靚靚參加頒獎典禮，不請我都自己揸車過去。」
戴祖儀與何沛珈入圍「飛躍進步女藝員」，祖儀讚對方是好好競爭對手，因為大家都很勤力，又笑言以前提名獎項，試過被爸爸取笑揀運動衫參加頒獎禮陪跑，但自覺今年表現大躍進，除了一劇接一劇，戲分亦愈來愈多，恨有獎項的認同：「提名都未夠開心，我希望攞到獎會真正開心，今年我會扮靚著性感，希望可以上台啦！我最近同期接演3部劇，拍《非份之罪》被武指睇起，親身拍動作碌落山，碌了幾次，真係飛躍。」
何沛珈今年參與劇集、主持和司儀演出，被大讚勤力，她稱要多謝公司台前幕後給予機會，覺得好滿足：「我不斷有自我檢討，希望做得更加好，今次未必夠祖儀強。」
相關新聞：台慶頒獎禮2023｜蔡思貝睇淡爭視后 何廣沛撐陳豪冇得輸
相關新聞：台慶頒獎禮2023十強名單 高Ling何依婷女配大熱 龔慈恩江美儀出局
相關新聞：台慶頒獎禮2023｜公布10強名單 5位前視后爭獎 佘詩曼頂頭大熱
相關新聞：台慶頒獎禮2023｜新增「大灣區最喜愛」4獎 陳豪再鬥馬國明 佘詩曼李施嬅又內訌
