52歲朱茵早前在網民發起的「一人一個靚到癲嘅女明星」投票中排行第7。丈夫黃貫中（Paul）日前與她一同拍攝造型照時得知後笑言︰「第7位？前面6個係邊個？邊個靚過我老婆，有冇搞錯？冇可能！」朱茵貴為一代女神，黃貫中表示最欣賞太太的性格及內在美︰「相處咁多年，外表幾靚都會對厭，一個人最緊要內在，真㗎，唔好以為我講風涼話，其實我真係欣賞佢內在美多過外在美。」朱茵感謝投票給她的網民︰「好開心！覺得好光榮！大家仲記得我，對我嚟講係一個好大嘅支持。其實靚係各花入各眼，冇一定準則，我覺得最緊要係有自信、心情開朗，所以我盡量保持好心情。」
