佘詩曼（阿佘）昨晚出席在澳門舉行的《新聞女王結局夜—女王終極直播》，她與現場觀眾一齊收看大結局時，被劇情感動落淚，上台時仍然眼濕濕。阿佘受訪時直言不捨得︰「咁快就26集﹗都好嘅，大家都覺得唔夠，問下佳導（總監製鍾澍佳）會唔會有第2季。想拍第2季？我都係睇劇本，但好開心同樂意跟呢個班底再合作，今次真係合作得好愉快。」
《萬千星輝頒獎典禮2023》下月14日舉行，阿佘表示當日要工作，未知能否出席，但會盡量調動檔期，希望能騰出時間。她與同劇的李施嬅均被視為今屆「最佳女主角」大熱，阿佘說︰「是但一個攞都ok呀﹗佢攞，我都好開心﹗得獎信心？真係冇所謂，視乎觀眾投票。《新聞女王》播出以來咁受歡迎，有咁好口碑，我已經好開心，當拎咗獎。『Man姐』係我其中一個最鍾意嘅角色。」
黃宗澤（Bosco）在結局現身，令不少觀眾驚喜。阿佘表示這是他們相識多年來的第一次合作︰「監製問我同邊個小生未合作過，我就話Bosco。佢當日出現時，我至知道，雖然我哋只得一場戲。感覺？佢都係咁有型。」
