胡鴻鈞昨晚（24日）平安夜到觀塘出席商場聖誕倒數活動，他表示近年於內地發展，剛與馬國明於佛山出席完活動便坐高鐵回港，1月又返回內地繼續為新專輯錄歌及準備內地巡唱，亦有計劃回港舉行演唱會。
問早前為馬國明婚禮擔任兄弟團感覺如何？胡鴻鈞說：「好玩！他已準備好晒，我這個兄弟去到沒事做，只是去玩，一去到馬國明就叫我盡情去玩。」問他又可有憧憬盡快成家立室？他說：「又冇乜點諗，呢段時間以事業為主，真係冇時間同心機兼顧工作以外嘅事。」
問擔任姊妹團的緋聞女友蔡思貝是否漂亮？胡鴻鈞說：「個個姊妹都好靚。（和對方浪漫行沙灘？）真係冇喎！下次試下。」今年視后可會投票給蔡思貝？他則說：「我會投阿佘（佘詩曼）得唔得？我有追看《新聞女王》，《你好，我的大夫》就唔好講喇！冇完整睇晒，唔驚佢嬲，相信佢都會投畀阿佘。」至於許廷鏗開騷，可有邀請他任嘉賓？他直言沒有，不過對方有叫他看新歌MV。
