曾參加「2016年度香港先生選舉」的馬俊傑，在無綫工作7年，昨天（24日）平安夜宣布離巢。馬俊傑出道時曾主持兒童節目《Think Big天地》，之後亦參演過《愛‧回家之開心速遞》，劇中他飾演「袁球」一角，同時他亦演出過其他劇集，不過多數是閒角為主。
馬俊傑在社交平台寫道：「平安夜 離巢夜 同大家正式宣布我巳經離開TVB，回復自由身，如果想搵我合作或任何嘅媒體工作，我都好歡迎直接DM我接洽，唔好怕醜，call我啦﹗
其實有留意開我嘅朋友都留意到，我慢慢少好多喺電視螢幕上，都有問我係咪離開咗，藉著平安夜我就一次過答大家，我已經離開了，不過放心我唔會放棄唔做幕前工作，會繼續向演員方向發展，只係想跳出嚟試下做更多不同嘅嘗試同挑戰，𠵱家同朋友一齊開咗個YouTube Channel，請大家支持下。
我都好多謝係公司呢7年照顧過我嘅台前幕後同事，喺你哋身上我都學到好多嘢，希望日後大家可以再有機會合作。各位YouTube/其他平台見。」
