張繼聰和太太謝安琪（Kay）平時工作忙碌，但剛過去的平安夜和聖誕節，阿聰和Kay陪仔女一同慶祝，Kay昨晚在Ig貼出囝囝張瞻和囡囡張晴的兄妹合照，以及分享一家四口慶祝聖誕照片，Kay大讚囝囝雖然已經大個仔，有自己的社交圈子朋友，但他今年選擇陪屋企人過聖誕，又陪Kay買聖誕禮物及和家人歎聖誕大餐，Kay感觸說：「瞻瞻小小嘅舉動，已經令我好感動，我覺得我個仔真係大個喇﹗多謝你，我嘅乖仔瞻瞻，Merry Christmas Mommy and daddy love you so much﹗」
另外，前晚Kay和囡囡身穿純白母女裝，一齊唱聖誕歌，阿聰化身聖誕老人彈結他為母女伴奏，年紀細細嘅張晴表現淡定，歌喉也深得媽咪真傳，人靚聲甜。
