姚焯菲（Chantel）昨晚在《新城勁爆頒獎禮2023》獲得「新媒體歌曲」及「躍進歌手」兩個獎。她在後台受訪時說︰「冇諗過可以得到『躍進歌手』﹗我出道兩年幾，每首歌都有唔同變化同突破，所以得到呢個獎好開心﹗」談到她去年也在《勁爆頒獎禮》上得獎，Chantel開心有此成績︰「一直想得到大家肯定，希望每年出歌都有獎，對我嚟講係鼓勵同強心針，令我勇敢嘗試更多唔同曲風。」
炎明熹一身性感打扮非常矚目，Chantel自言難像她那麼瘦，亦要有那麼瘦的身形才可像她那麼性感。Chantel說︰「我要好努力，雖然唔覺得要減到好瘦。每個人都有自己特點，我唔需要減到非常瘦，我嘅特點係可愛Baby Fat，不過講出嚟都有啲尷尬。」炎明熹表示︰「大家身形唔一樣，她carry到嘅嘢，我未必carry到。我相信Chantel有恆心就會做到，我都有健身，希望肌肉結實啲，追求健康身形。」
