林家謙在今晚舉行的《2023年度叱咤樂壇流行榜頒獎典禮》上，第3度奪得「唱作人金獎」。他致謝辭時表示︰「多謝呢個獎畀我肯定，多謝今年合作過嘅音樂人。」
奪得「唱作人銀獎」的陳蕾非常興奮，她說︰「攞『唱作人』好開心，我未攞過銀獎，好開心，因為唱作人呢個身分對我太重要。我曾經好迷惘，覺得自己嘅音樂真係好渣，識嘅嘢好一般，點解我會成為一個唱作人嘅？我花咗好耐時間去探討、去搵自己嘅價值，然後我最終搵到。我覺得我最大嘅價值係，我由出世到依家嘅所有經歷同所有事都係獨一無二。每一個人都一樣，我只不過好誠實將呢啲感受寫落我嘅歌曲度。2024年，我會繼續對呢個世界有感覺，就會繼續挖個心出嚟寫歌，我真係好鍾意創作﹗」
陳卓賢（Ian）獲頒「唱作人銅獎」，他表示︰「今年嘅歌都係自己監製，當中好多嘢可以學習，亦都好多頗為困難嘅地方。好多謝我嘅一啲音樂人朋友，同我一齊完成我嘅歌，所以好多謝佢哋，我會繼續努力。」
