陳蕾今晚在《2023年度叱咤樂壇流行榜頒獎典禮》奪得「叱咤樂壇我最喜愛的女歌手」，連同之前獲頒的「專業推介叱咤十大：第三位」、「叱咤樂壇唱作人 銀獎」及「叱咤樂壇女歌手 金獎」，全晚共捧走4個獎。她說︰「今年應該係我上得《叱咤》台最多嘅一年，好多謝每一位同投我陳蕾一票嘅樂迷，好多謝你哋感受我歌曲。呢個獎係我入行多年以來，一個好好、好肯定、好靚嘅一個交代。雖然我知道有冇呢個獎，有冇其他獎都好，我呢幾年已經變成我自己最喜愛嘅歌手，因為我到呢一刻仲會聽自己嘅歌，畀自己嘅創作感動，呢個亦都係我成為歌手內心最富足嘅事。2024年，我希望捉住呢份富足喺樂壇出一分力，成為一個樂壇社工。」
