今天（11日）是張繼聰的44歲生日，6歲女兒張靖炮製驚喜，他自彈自唱生日歌送給爸爸。謝安琪（Kay）今午在社交平台貼出囡囡彈琴片段，原來張靖不懂彈琴，但為送爸爸驚喜，自己睇片自學彈生日歌，Kay寫道：「練習好之後，仲特登叫我幫佢拍片，估唔到個傻豬仔第一take就成功自彈自唱添（佢自己都驚訝），大家鼓勵下呢位窩心嘅小朋友吖，陪佢一齊祝Daddy生日快樂好嗎？」
阿聰趁生日跟老婆二人世界，他和Kay去行山，阿聰寫道：「如果有時覺得舉步艱難，有啲攰﹑深呼吸，行慢啲都唔緊要，不過唔好放棄，因為恭喜你，上山之路就係咁，捱過咗，就會有另一番壯闊嘅風景，而且身邊係有好多人陪住你。又大一歲，我會繼續無懼地，隨遇地，行過去，感謝每一位嘅愛同祝福。P.S.生日，同最愛嘅人去最愛嘅地方，perfect。」
