曾國祥老婆王敏奕以低胸性感打扮，亮相台慶頒獎禮紅地氈，她一步一驚心，不時要抽起條裙防泄春光，但她強調已做足安全措施，王敏奕說：「第一次好驚走光嘅裙，明明Fitting時啱啱好，唔知點解好鬆。（是否瘦了？）冇可能，應該唔係瘦咗，試嘅時候OK，唔知係咪緊張所以冇水腫，出晒汗。（問老公意見？）又問？乜嘢都要問？（因為低胸嘛﹗）唔使啦，我肯就得，我OK佢就OK。（條裙檢查得好清楚？）呢件衫（裙）因為好重，感覺上好容易跣落嚟，早兩日睇到有個藝人行紅地氈，條裙跣落嚟有啲走光，所以自己先擔心，不過冇事嘅，條裙每塊片都係針織，靚係有代價。（條裙幾重？）我都想磅下，有個BB咁重，好重呀﹗（做足安全措施？）有呀﹗（好大膽？）我覺得好靚，其實造型師畀咗6﹑7條我揀，睇相已覺得呢條好靚，所以試一條後冇試其他。（對最佳衣著獎志在必得？）冇諗，自己開心就得。（是否你的性感底線？）行紅地氈係，著呢啲裙好緊張﹗」
相關新聞：台慶頒獎禮‧紅地氈｜《東張》女神鬥性感 廖倬竩︰好普通
