《萬千星輝頒獎典禮2023》今晚（14日）在澳門舉行，由丁子朗擔任司儀，他還頒獎禮開始前載歌載舞，獲得全場掌聲。譚耀文和姜皓文負責頒最佳女配角，最後由高海寧（高Ling）撼贏何依婷﹑王敏奕﹑傅嘉莉和劉穎鏇，入行15年首度獲演技獎，高Ling上台致謝時已禁不住眼濕濕，連同台下的佘詩曼也感動流淚。
高Ling說：「好開心攞到女配角，多謝《新聞女王》團隊，多謝佳導（鍾澍佳）揀我做呢個角色，佢第一日搵我，問佢我做唔做到（該角色），佢話你企喺度就係Cathy，同埋拍攝時可以同阿佘合作，佢係好好前輩，好好榜樣，現場畀我哋睇到乜嘢係專業演員，自己角色做得好，分享好多嘢畀我哋，拍攝時獲好多得著，《新聞女王》團隊送畀我。每一位投票畀我嘅朋友，將呢個獎送畀婆婆，入行15年終於攞獎，送畀天上公公爺爺及屋企人，多謝公司。」
