林子善憑《隱形戰隊》在今晚舉行的《萬千星輝頒獎典禮2023》奪「最佳男配角」，他激動落淚，上台後即伏在地上跪拜了一下，然後說︰「其實我真係唔鍾意喊。頭先嗰個跪拜係畀我父母，因為我父母帶我嚟呢個世界，否則唔會有林子善。其實我想攞『飛躍』，因為攞『飛躍』就仲可以攞多次『男配』，但依家冇喇。我要多謝投票畀我嘅高層，好多嘢我相信上天，你勤力，但都要人和。我入到嚟TVB好多人惜我，我唔係TVB親生仔，不過我當咗TVB係我屋企，因為我留住TVB嘅血﹗」
子善表示當年是周星馳帶他入行，因此要多謝對方，同時要多謝曾志偉當年在他沒工作時帶他入電影圈，後來黃子華又帶他加入TVB。子善續說︰「好多導演、監製、前輩好惜我﹗我加入TVB後，一直拍劇未停過。 TVB最重要嘅資源係幕後同事，我真係好鍾意同你哋開工，你哋會請我食蝦片、畀嘢我飲，仲有好多同事，包括《鐵馬》成班兄弟。我仲要多謝我老婆，多謝我好外父外母生我老婆出嚟，多謝我個女。」子善不停發言，未理會現場工作人員及負責頒獎給他的朱咪咪催促，揚言一生人只得這一次，叫大家不要催他。朱咪咪見他多謝外父外母時，忍不住笑問「請問你嘅家族有幾多人」，令現場人士捧腹大笑﹗
