《萬千星輝頒獎典禮2023》今晚（14日）在澳門舉行，由陳豪和張曦雯負責頒發「飛躍進步男﹑女藝員」。男飛躍方面，由馬貫東撼贏吳業坤﹑周奕瑋﹑林景程和林正峰獲獎。
馬貫東上台時說：「18年唔係一個短嘅時間，但一個演員生涯，其實18年並唔係長，喺我入行時已知道自己演員路，唔會一帆風順，唔會行得容易，因為我訓練班出嚟，珍姐同我傾偈，好多不足之處，好多缺點，要我改，不斷學習，學完後就有機會，嗰時好努力改變自己﹑努力學習，學懂珍惜，要把握得任何一個機會。多謝珍姐（曾勵珍）﹑曾先生（曾志偉）﹑樂小姐（樂易玲）。」
